「歡迎大家討論」
-
「台北台中台南優缺點」
-
逐漸有好幾位搵我，想我幫忙搵樓租屋
但都絕大部分係搵台北，其次係台南
咦...台中呢?我所居住既台中...
比評定最宜居既台中竟然冇一個人問
究竟台中起你地眼中係一個點既地方?
咁由我講講我對台北中南既唔同觀點同感受
-
台北
-城市發展同香港差不多一樣
-交通網絡發展成熟便利，但相對上台北車流量太多
塞車塞到你想訓...
機車數量極大，機車左穿右插好危險
-工作機會多薪資較高
-生活節奏快，呢一點我覺得同香港一模一樣
-樓價是全台最高，生活步調最急，生活壓力也最大
-生活品質有好有唔好，人多車多空氣品質差野食停車位貴
好逼，但係相對上音樂會展覽都起台北
-全年雨量多，夏天溫度很高，潮濕多雨
-
台中
-台中目前發展最迅速，基建一直起，樓又係瘋狂咁起
台中目前係冇捷運!!!係冇!!!但係2020年就起好，所以會睇到捷運站附近D樓一直係咁升
-交通不便，交通都係自己開車為主，公車有頭10公里免費
停車時間算適中，最多15分鐘就有一班
想去台北台南都唔會時間過長
-氣候四季如春，天氣好又唔會太熱，最重要一點係台風對台中影響好低，有中央山胍擋哂，缺點係冇台風假
-宜居城市第一名，好食好住，要城市有城市，豐富自然觀光資源，樓唔貴食唔貴
-
台南/高雄
去過幾次，次數唔多
-熱...夏天極熱，冬天都係熱，蚊一年四季都有
-高雄交通有捷運，但係台南交通安全意識極差，
紅燈照過，交通安全最危險
-高雄樓真係平，樓價係台北四分之一到三分之一左右
-我個人感覺台南空氣比較差，但不能作準
-歷史名城，生活步調很慢，感覺似鄉下地方
-
講到底，我都係鍾情台中
生活步調較慢，想居住得寧靜又不想脫離城市生活
假日可以去行山(台中較多山)，
想要有出門旅行感覺，北上南下都不會距離太遠時間過長
感覺樓是有能力買到的，畢業我係起台灣工作領台灣薪水
台中俾我既感覺係可以融入呢個城市，唔似台北香港咁格格不入
人情味好夠，台北都係有一股冷冰冰既感覺
台中就係有一股令我停下腳步既魅力。
-
分享完畢，到你地講
Search